கவிதைக் காதலி - படித்ததில் பிடித்தது

என்ன வேண்டும் 

என்ற கேள்விக்கு

உந்தன் பெயரை

உளறிக்கொட்டி

தம்பி ஸ்டாக் இல்லமா-என்று
 
சொல்லும் வேளை 

வெட்கம் கொண்டு 

விழிகள் கோதுகிறேன் . . . !!!!

துணை நிலா - கவிதை

என்  குறும்பை காட்டிட

அருகே  தங்கை இல்லை . . .


நாட்டு நடப்பினை

விவாதம் வைத்திட

பக்கம் தந்தை இல்லை . . .


நான் சொல்லாமலே

என் எண்ணங்களை படித்திட

நான் அன்னை மடியில் இல்லை . . .


விடுமுறையன்று சுற்றிட

என் நண்பர்கள் இல்லை . . .


என்னை கட்டித்தழுவிடும்

தலையணையும்

நான் முத்தமிடும்

என் கனவுகளும் இங்கில்லை . . .


நாள்தோறும்  இயங்கும்

இயந்திரமாய் இங்கு  நான் . . .


என்னுடன் யாரும் இல்லை

என்று  நினைத்து நிமிரும் வேலையில் . . .

அன்று நான் என் வீட்டில்

பார்த்த அதே பொலிவுடன் துணைக்கு

என்னுடன் இங்கு வந்திருக்கும் நிலா . . . !!!!!!!

ஒரு தலை காதல்

கூட்டத்தில் என் தோழிகளுடன்
குதூகலித்த என்னை. .

கை காட்டி . . இவள் தான் வேண்டுமென
என்னை அவன் கைகளில் ஏந்தினான். .

அவன் விரல்கள் இருக்கிய வேகத்தில்  
உயிர்  கரைய  ஆரமித்தது. .

அவன் மார்பினில் சாய்ந்து
உலகை ரசிக்கும் வேலையில்
நான்  உன்னை காதலிக்கிறேன்
என்றான் ஒருவளிடம்
என்னை அவன் மார்பிலிரிந்து
பிரித்து நீட்டிய வண்ணம். . .

சில  நொடி வாழ்ந்து விட்டேன்
உன்னோடு இன்று என்று
அவன் கால்களுகிடையே
உதிர்ந்து உயிர் விடுத்தேன். . .
அவள் கைகளில் சேர விருப்பம் இல்லாமல். . !!

இப்படிக்கு
ரோஜா

கற்பனை

தனிமையில் அமர்ந்து

அசைபோட்டேன்

பழைய நினைவுகளை . . .

செரிக்காத நிலையாய்

என் முதல்

ஒரு  தலை  காதல்  என்னுள் . . .!!!!

பார்வைக் கவிதை

அன்பே !

உன்

பார்வைக் கவிதைகளுக்காக

பத்திரமாய் பாதுகாக்கப்படுகின்றன - என்

இதய வெற்றுக்காகிதங்கள்.

திருநங்கைகளே-படித்ததில் பிடித்தது

என்ன தான்

மதிப்பு, மரியாதை

பரிதாபம், பாசம்

உங்கள்மேல் இருந்தாலும்....

அத்தனையையும் அழித்து விடுகிறீர்கள் !

ஆடவர்களை* உரசி

அதிகாரமாய்ப் பிச்சைக் கேட்கும்

அத்தனைத் தருணங்களிலும்.

திருநங்கைகளே !

தயவு செய்து வாங்கி விடாதீர்கள் ...

திருவோட்டு நங்கைகள் என்ற பட்டத்தை ?? :-(



* குறிப்பாக கல்லூரி மற்றும் பதின்வயது இளைஞர்கள்.

முதல் முத்தம்

அன்பை

சிந்தும் வார்த்தைகள் . . .


அக்கரையை வெளிபடுத்தும்

செல்ல கோவங்கள் . . .

செவிகளுக்கு

ரசித்து எழுதிய

கவிதைகள் . . .


தேனை

சுவைக்கும் காதல் 

கிசுகிசுக்கள் . . .


ஊடலை தூண்டும்

சினிமா விமர்சனங்கள் . . .


வெறுத்திட வைத்திடும்

வியர்வை பிடியின் உச்சமாயினும்

பேசுங்கின்ற குரலில்


தென்றலை அள்ளி வீசும்

உணர்வு மிகுந்த தருணங்கள் . . .


இவையாவும் 

அவனுக்காய்

நான் செய்திட . . .

எனக்காய்

அவன் செய்திட . . .


உணர்வுகளும்

என் காதலும்

என்னை பிச்சு தின்று . . .


அவனுக்காய்

நான் பதித்த

என் முதல் முத்தம்

ஊடக வடிவில்

அனுபவித்ததெனவொ

என் கைபேசி தான் . . . !!!!

பாதுகை

கல்யாண வீட்டில்

கழட்டி போட்ட

புது செருப்பை 

காணவில்லை . . .

எடுத்து சென்றவரை

திருடனாய்  நினைக்கவில்லை . . .

பரதனாய் நினைத்து

கொள்கிறேன்  . . . !!!!!

குற்ற உணர்வு

சிக்னலில் கைநீட்டிய

பிச்சைக்காரனுக்கு

சில்லறை போடிருக்கலாமே - என

என்னுள் எழுந்த

குற்ற உணர்வு

கருப்பு கண்ணாடியணிந்து

கையில் கம்புடன்

பேனா விற்ற பெரியவரை

பார்த்ததும் காணாமற் போனது !!!

பெண் மலரே - படித்ததில் பிடித்தது

சோற்றுப்பருக்கைச் செல்லமாய்ச்சிதைத்து - அதோடு

பசும்பால் தோய்த்து - விரலால்

ஊட்டுவாள் - அம்மா



பழங்களின் தோலுரித்து - அதைப்

பொடியாய் நறுக்கி - நசுக்கி

ஊட்டுவார் - அப்பா.


சாப்பிடுவது எதுவாயினும் - அதை

சத்தமில்லாமலெடுத்து - நாவால் ஊதி

ஊட்டுவார் - தாத்தா.


ரொட்டித்துண்டை நீரில் நனைத்து

அதனை அமுக்கி - குழைத்து

ஊட்டுவான் - அண்ணன்.



போதும் உறவுகளே !

இனியும் அவளுக்கு

ஊட்டி விடாதீர்கள்.



வல்லூறுகள் வல்லுறவுக் கொள்ளத்

துடிக்கும் தேசத்தில் - அவள்

தனியாகத்தான் வேட்டையாட வேண்டியிருக்கிறது - ஆதலால்

அவளுக்கு உண்ணக் கற்றுக்கொடுங்கள்;

ஊட்டி விடாதீர்கள்.

அரசியல்வாதி

வானம் கடையடைப்பு . . .


மலைக்கல் வீச்சு . . .

மின்னல் வெட்டு . . .


மேகக்கலவரம் . . .


\அப்பாவி உழவர் தலையில்

"இடிகுண்டு " வீச்சு . . .


ஊடகங்களின்

ஓயாத எச்சரிக்கை . . .

"மக்கள்  பாதுகாப்பான

இடங்களுக்கு செல்லவும் "


சந்தேகமில்லை

வானமும் "அரசியல்வாதி " தான் !!!!

திரும்பி வரும் வரை

வீட்டிற்குள் நுழைந்தாலே

மனதை பிசையும் நியாபகங்கள் . . .


கலைந்து கிடைக்கும் பொருள்களில்

சமையல் பாத்திரங்களில்

மீதமிருக்கும் விரல் தடயங்களில் . . .


என்னதான் துவைத்தாலும்

சட்டையின்  காலரில்

அழுக்கு  போகத்தான் மறுக்கிறது . . .


தானே செய்யும் சமையலில்

உப்போ காரமோ அதிகமாவது

தவிர்க்கவே முடியவில்லை . . .


தூக்கமில்லா இரவுகளில்

நிலா பொம்மையும்

வாங்கி தந்த  முதல் சேலையும்

பக்கத்தில் ஆறுதல்  சொல்வது

தினசரி வாடிக்கையாகி விட்டது . . .


பிரியமானவர்களின் விசாரிப்பில்

"ஊருக்கு  போயிருக்கிறா " என்பது

உதடுகளுக்கு பழக்கமாகி விட்டது . . .


இப்போதெலாம் கைபேசியின்

உரையாடல்களில்தான்

அன்பு  தொடர்கிறது . . .


உள்ளங்கையில் ஏந்தியபடி

சிணுங்கும் குழந்தையின்

ரோஜாநிற உதடுகளுக்கு

கண்ணீரோடு முத்தமிடும்

அந்த அற்புத நிமிஷங்களுக்காக

சிலதை சகித்து கொள்ளத்தான்

வேண்டும் . . .


-பிரசவத்திற்கு  போன மனைவி 

திரும்பி வரும் வரை -

என் காதல்

சுற்றுகின்ற உன்னை 

சுற்றி சுற்றி 

வருகின்றேன் நித்தமும் . . .

பகலினில் கள்வனாய் 

இரவில் காதலியாய் . . .

மலரின் வாசனையை 

அறியாமல் கடத்தும் 

காற்றை போல் . . .

இதயத்தை அறியாமல் 

கவர்ந்த கள்வன் நீ . . .

திருடியது நீ 

தண்டனை எனக்கல்லவோ . . .

என்னை அனுமதிக்காத நீ 

உன் தேகம்  தீண்ட 

காற்றை மட்டும் 

ஏன் அனுமதிக்கிறாய் ????

கோடி தலைகளுக்கு 

அடைக்கலம் தருகிற உனக்கு 

என்னை திரும்பி பார்த்திட 

நேரமில்லையா ????

நீ  திரும்பி 

பார்த்திடும் ஒரு பார்வைக்காக 

யுகமாக நான் நிலுவையில் . . .

நூற்றாண்டாய் என் காதலோடு 

காத்திருக்கும் என்னை 

நீ  கைபிடிக்கும் வேலையை எண்ணி 

இன்றும் இந்த இரவில் 

வெளியே நான் . . .  !!!!

-நிலாவின் காதல் 

பூமியின் மீது -