என் அருகில் நீ

யாரும் எனக்கென்றில்லை . .

கவலையும் வேதனையும்

மட்டுமே என் பக்கம் 

என்று எண்ணுகையில் ஆறுதலாய் 

என் அருகில் நீ . .

துக்கம் தொண்டையடைத்து

தூக்கமில்லாமல் பிதைக்கும்பொழுது

அர்த்தமுள்ள பாடல் கேள் என்று

என் அருகில் நீ ..


மகிழ்ச்சியான நிகழ்வுகள்

உணர்வு மிகுந்த தருணங்கள்

இதை பிடித்தவரிடம் சொல் 

என என்மனமறிந்து

என் அருகில் நீ ..


காலம் முழுதும்

நினைவில் நிற்க வேண்டிய நிமிடங்கள்

படம் பிடி என்று கட்டளையாய்

என் அருகில் நீ ..

சில நேரம் நம்மிடம் 

வர மறுக்கும் குழந்தைக்கு

விளையாட்டாய் . .

பல நேரம் அம்மாவின்

கோவங்களுக்கு காரணமாய் . .

என் அருகில் நீ . .


புது இடங்களுக்கு 

வழிகாட்டியாய் . .

காதலனின் முத்தமாய் . .

உறவினர்களின் அக்கறையாய் . .

என் அருகில் நீ ..

உறங்கும்போதும்

விழித்தெழும்போதும்

என் அருகில் நீ . .

நீ என் அருகில் இல்லையென்றால் 

சுற்றாது இந்த பூமி

என்று தோணுமளவில்

என்னை ஆட்கொண்ட நீ ..


உன்னை காதலன் என்றழைப்பதா

இல்லை கைபேசி என்றழைப்பதா  !!

இரையான என் காதல்

நான் உனதல்ல 

நீ  எனதல்ல 

ஆயினும் ஏன் இந்த போராட்டம் . . . !!


ஒவ்வொரு முறையும் 

உன் பெயரையே கிறுக்கி பழகிய 

என் பேனா நுனி சொல்லும் 

உன்  பெயரின் எழுத்துக்களை மனப்பாடமாய் . .!!


என் தலையனை கணம் சொல்லும் 

தினம் இரவில்  நான் சிந்தும் 

கண்ணீரின் ஆழத்தை . .!!


நான் அல்லாமல் 

நீ மற்ற பெண்ணிடம் பேசும் தருவாயில் 

கோபத்தை பொறுக்க முடியாமல் 

இடிபடும் என் பற்கள் 

சொல்லும் ஓராயிரம் கதைகள் . .!!


என் சுயமறியாதையை  விற்று 

ஒவ்வொரு சண்டையிலும் 

 வாக்குவாதங்களிலும்  

முதலில்  மன்றாடி 

உன்னை எனக்காய்  பெரும் தருணத்தில் 

கண்ணீர் மல்க துடிக்கும் 

என் உதடுகள் சொல்லும் 

அதுபோல் கடந்து வந்த 

ஆயிரம் தருணங்களை . .!!

உன் கை அசைவில் 

உன் கை காப்பு சிணுங்கயில் 

அது உன்னோடு ஒட்டி  உறவாடும் 

ஆணவத்தை கத்தி சொல்கிறது 

என்று பொறாமை கொள்ளும் 

என் மனதை எதை கொண்டு 

கட்டி போடுவது . .!!


முதல் முதலாய் 

அறியாமல் நீ என் ஸ்பரிசம் 

தொட்ட நொடி . .

கண் இமைக்கும் நொடிகளில் 

நீ பதித்த முதல் முத்தம் . .

உன்னுடன் நினைந்த முதல் மழை . .

முதல் காதல் பார்வை . .

கடல் அலையையும் காதலையும் 

ஒன்றாக ரசித்த நிமிடங்கள்  . .

கை பிடித்து ஒட்டி 

நடந்த மாலை வேளை . .

இதை நினைத்து பார்க்க 

தடையில்லை என் கனவுகளில் . .!!


காதல் உண்டு 

கனவுகள் உண்டு 

ஆசைகள் உண்டு 

எதிர்பார்ப்புகள் உண்டு 

உன்னோடு நான் வாழும் வாழ்க்கை 

மட்டும் இல்லை . .

ஏன் . .

ஜாதிகளோடு மூச்சை விடும் 

இந்த சராசரி மக்கள் கூட்டத்தில் 

என்னையும் திணித்து 

என் காதலை அதுக்கு இரையாக்கிய 

கடவுளை எந்த காவலாளி 

கொண்டு பிடித்து 

எந்த சிறையில் அடைப்பேன் . .!!

ஓர் பேருந்து !!

 

"அப்பா கிளம்பறேன்" . .
என்று பேருந்தின்  ஜன்னல் வழியே
கை அசைத்து அவர் மறைந்த வேளை . .
அப்பா . . நீயும் வா  என்று அலறி துடித்து . .
அம்மாவின் மடியிலிருந்து துள்ளி எழுந்து
கதறி அழுத மழலையின் ஆழ்ந்த அன்பு . .


நாளை எண்ணி கவலை கொண்டு . .
புலம்பலும் . .வாழ்க்கையின்  கசப்பை பிணாற்றியபடி . .
கை நிறைய மாத்திரைகளை
விழுங்கும் பாட்டி . .

உலகமே இடிந்தாலும் . .
தனக்கென என்று வெறுமையில் . .
கைபேசியினில்  கண் புதைத்தும் . .
செவியினுள்ளே இசையை பூட்டி சிறை வைத்தும் . .
சில பேர் . .

குழந்தைக்கு மூச்சடைக்கும்
அழுகையை நிறுத்த ஏதாவது செய்யேன்  மா . .
என்று அக்கறையோடும் . . மனிதாபிமானத்தோடும்  ஒருவர் . .

இந்த பேருந்து
எப்பொழுது போயி சேரும் . .
என்று நேரத்தை தொரத்தியபடி
மடிக்கணினியில் மூழ்கி
இயந்திர வாழ்க்கையில் பிணைப்பட்ட ஒருவர் . .

விடுமுறைக்காக ஏங்கிய  நாட்களை கடந்து . .
இன்றைக்கு ஆசைகளையும் ஆர்வத்தையும்
சுமந்து சென்று . .
விடுமுறைக்கு பின்  . .
நினைவுகளை சுமந்து வரும்
இதேபோன்ற பயணத்தை எண்ணி கவலையில் நான் . .

ஒவ்வொரு பேருந்தும்
சுமப்பது மனிதர்களை மட்டும் அல்ல . .
பல  மனதிர்களின் என்ன ஓட்டங்களையும்
நினைவுகளையும் தான் . . !!!!

நீ தான் . . . !!

தினமும் காலையில்

கண் விழித்திடும் வேளையில்

உணர்ந்திடும் சோம்பல் நீ தான் . .!


பேருந்திற்கு நடக்கும் பாதையில்

தினமும் பார்த்திடும்

மழலை சிரிப்பு நீ தான் . . !


செவிசிறையினில் அகப்பட்டு

முழங்கிடும் அத்தனை

பாடல் வரிகளின்

அர்த்தமும் நீ தான் . . !


மயிரிழையினை உரசி

தேகம் சிலிர்த்திடும்

தென்றல் காற்றும் நீ தான் . . !


அடைமழை முன்பு

எழும் மண்வாசனை

நினைவு கூர்வது நீ தான் . . !


கடல் அலைகளின் ஆரவாரத்தை

தூரம் நின்று ரசித்திடும்

அந்திமாலை சூரியனும் நீ தான் . . !


கண் அசரும் இரவுவேளை

நினைவுகளால் கட்டி அணைக்கப்படும்

என் தலையணையும் நீ தான் . . !


கேளியில் புன்னகையாகவும்

நீ இல்லா வேளையில் கண்ணீராகவும்

வெளிப்படுவது நீ தான் . . !


என் பெண்மையை உணரச்செய்யும் நளினமும்

என் பெண்மையால் வெளிப்படும்

நாணமும்  நீ தான் . . !


நான் எழுதும் கவிதையில்

எழும் கற்பனை

யாவும் நீ தான் . . !


பொறித்திடும் நாட்குறிப்பில்

எழுதும் வார்த்தைகளில்

நினைவு கூர்வும் நினைவுகளில்

என்று யாவிலும் நீ தான் . .

நீ தான் . . !

கடற்கரை காதலர்கள்

அந்தி மாலை மஞ்சளும் . .

போய் வருகிறேன் என்பதை போல

மேகங்களிடையே மறையும் சூரியனும் . .

குழந்தைகளின் ஆட்டமும் . .

குடும்பத்தினரின் கூச்சலும் . .

பாத்து விளையாடு என்கிற அம்மாவின் அக்கறையும் . .

அன்றாடப் பிழைப்புக்காக

தன்னால் முடிந்ததை செய்து

விற்கும் விற்பனையாளர்களும் . .

சம்பாதிக்க சோம்பேறித்தனம் கொண்டு

சுயமரியாதையை விற்று

யாசகம் கேட்கும் மானிடர்களும் . .

நண்பர்களோடு புகைப்படங்களும் . .

பேசிட தனிமை கிடைத்ததென

வார்த்தைகளுக்குள் சிக்கிக்கொள்ளும்

நட்பைத்  தாண்டிய உறவுகளும் . .

இவர்களினிடையே . .

யாருக்கும் புரியா வண்ணம்

தங்களது மொழியில்

உரையாடல் . .

உரசிச் செல்லும் காதலன். .

காதலனின் தீண்டலில்

மெய்சிலிர்த்து

மற்றுமொரு தீண்டலுக்கு காத்திருக்கும்

காதலியென . .

இவர்களின் காதலை

யாவரும் பார்த்து ரசிக்க

தினமும் போகிறது இந்த அந்திப்பொழுது. .

இந்த காதலரின்

காதல் மொழிக்கும். . தீண்டல்களுக்கும் . .

எதிர்ப்பு இவ்வுலகில் இல்லை . .

.

.

.

.

.

.

@கடலும் மணலும் @

விடியற்காலை - படித்ததில் பிடித்தது

 

விடியற்காலை..!

மாடுகளின் மணிச்சத்தம்...

தொலைவில் யாரோ பெருக்கிக்கொண்டிருக்கும்

சரக்..சரக்..

எரியாத தெருவிளக்கின்

மினுக்..மினுக்...

உதிர்ந்துகிடக்கும்

பவழமல்லி...

தேநீர்வாளியுடன்

முண்டாசுத்தாத்தா..

மிளகுப்பொங்கல்கையுடன்

நண்டுசிண்டுகள்

தாழ்வாகப்பறந்துசெல்லும்

காகங்களின் சிறகொலி...

தூரத்தேயொலிக்கும்

கற்பனையென்றாலும் கற்சிலையென்றாலும்..

ஆம்!
 
விடியற்காலை அழகுதான்!

மார்கழிமாதவிடியற்காலைமட்டும்

பேரழகு!

கவிதைக் காதலி - படித்ததில் பிடித்தது

என்ன வேண்டும் 

என்ற கேள்விக்கு

உந்தன் பெயரை

உளறிக்கொட்டி

தம்பி ஸ்டாக் இல்லமா-என்று
 
சொல்லும் வேளை 

வெட்கம் கொண்டு 

விழிகள் கோதுகிறேன் . . . !!!!