துணை நிலா - கவிதை

என்  குறும்பை காட்டிட

அருகே  தங்கை இல்லை . . .


நாட்டு நடப்பினை

விவாதம் வைத்திட

பக்கம் தந்தை இல்லை . . .


நான் சொல்லாமலே

என் எண்ணங்களை படித்திட

நான் அன்னை மடியில் இல்லை . . .


விடுமுறையன்று சுற்றிட

என் நண்பர்கள் இல்லை . . .


என்னை கட்டித்தழுவிடும்

தலையணையும்

நான் முத்தமிடும்

என் கனவுகளும் இங்கில்லை . . .


நாள்தோறும்  இயங்கும்

இயந்திரமாய் இங்கு  நான் . . .


என்னுடன் யாரும் இல்லை

என்று  நினைத்து நிமிரும் வேலையில் . . .

அன்று நான் என் வீட்டில்

பார்த்த அதே பொலிவுடன் துணைக்கு

என்னுடன் இங்கு வந்திருக்கும் நிலா . . . !!!!!!!